Ղեկավարվելով «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» Հայաստանի Հանրապետության օրենքի 4-րդ հոդվածի 2-րդ մասի 6-րդ կետով, «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, Հայաստանի Հանրապետության կառավարության 2006 թվականի մայիսի 18-ի թիվ 912-Ն որոշմամբ հաստատված «Ինքնակամ կառույցների օրինականացման և տնօրինման կարգի» 33․1-ին կետի «ա» պարբերությամբ, 35-րդ կետի «գ» պարբերությամբ, 35․1-ին կետով, հիմք ընդունելով անշարժ գույքի նկատմամբ իրավունքների պետական գրանցման թիվ 23042024-06-0063 վկայականը, Ժիրայր Էդուարդի Այվազյանի ներկայացուցիչ Կարինե Լադիկի Տոնոյանի համաձայնությունը՝ որոշում եմ.

1. Սպիտակ համայնքի սեփականություն հանդիսացող՝ «Մարզ Լոռի, համայնք Սպիտակ գյուղ Լեռնավան 1-ին փողոց 6-րդ փակուղի 2 անասնաշենք» հասցեում գտնվող, 06-042-0030-0023 կադաստրային ծածկագրով բնակավայրերի նպատակային նշանակության բնակելի կառուցապատման գործառնական նշանակության 0,00587 հեկտար մակերեսով հողամասը կադաստրային արժեքի չափով 12 804,462 ՀՀ դրամ (1 քմ 217,8 ՀՀ դրամ), իսկ օրինական ճանաչված 58,79 քառակուսի մետր (արտաքին) մակերեսով անասնաշենքը 74 192,98 ՀՀ դրամ, արժեքներով՝ որպես կառույցն իրականացրած անձի, գնման նախապատվության իրավունքով օտարել Ժիրայր Էդուարդի Այվազյանին (ծնված՝ 20․08․1974թ․)։

2. Ժիրայր Էդուարդի Այվազյանի հետ կնքել անշարժ գույքի առուվաճառքի պայմանագիր, որից ծագող իրավունքը սահմանված կարգով ենթակա է պետական գրանցման։

3․ Ժիրայր Էդուարդի Այվազյանից հետ գանձել միավորի նկատմամբ մինչև օտարումը համայնքի անվամբ գույքային իրավունքների պետական գրանցման համար իրականացված վճարները` վճարման անդորրագրերի հիման վրա։

4․ Աշխատակազմի քաղաքաշինության, հողաշինության, գյուղատնտեսության, կոմունալ սպասարկման և տրանսպորտի բաժնի պետ Երեմ Գրիգորյանին և ֆինանսատնտեսագիտական, եկամուտների հաշվառման և հավաքագրման, գնումների, գովազդի, առևտրի և սպասարկման բաժնի պետ Վ․ Ապրեսյանին՝ սահմանված կարգով փոփոխություն կատարել համայնքի հողային հաշվեկշռում և ամենամյա գույքագրման փաստաթղթերում։