Մասնակցում էին

Արտակ Մաթոսյանը- համայնքի ղեկավարի առաջին տեղակալ,

Հովիկ Հովհաննիսյանը- համայնքի ղեկավարի տեղակալ,

Ազգանուշ Ֆրանգյանը- աշխատակազմի քարտուղար,

Սպիտակի համայնքապետարանի աշխատակազմը։

Օրակարգում

1. ՏԱՊ-ի կազմելու գործընթացի վերաբերյալ։

2. Հանձնարարականների կատարման ընթացակարգի վերաբերյալ։

3. Կարգապահական հարցեր։

4. Համայնքապետարանի տեղեկատվության էլեկտրոնային հարթակներում տարվող աշխատանքների վերաբերյալ։

Խորհրդակցության ընթացքը

Լսեցին- Աշխատակազմի քարտուղար Ազգանուշ Ֆրանգյանը ներկայացրեց Տարեկան աշխատանքային պլանի կազմման գործընթացի բովանդակության և ժամկետների վերաբերյալ հարցը։ Աշխատակազմին հանձնարարեց սահմանված ժամկետների շրջանակում կատարել աշխատանքը։

Կրկին ուշադրություն հրավիրվեց Համայնքային կառավարման տեղեկատվական համակարգի (ՀԿՏՀ) միջոցով հանձնարարականների կատարման ընթացակարգին։ Ա.  Ֆրանգյանը հիշեցրեց, որ հանձնարարականների կատարմանը զուգահեռ՝ կատարողը պարտավոր է նաև նույն համակարգով զեկուցագիր ներկայացնել անմիջական վերադասին, ումից ստացել է հանձնարարականը։

Բնակավայրերից համայնքապետարան դիմող քաղաքացիների հարցերի քննությանն և դրանց լուծման ընթացքին պարտադիր ներգրավվելու են վարչական ղեկավարները, քանի որ նրանք օրենքով սահմանված կարգով ի պաշտոնե բնակավայրի տարածքում գործում են համայնքի ղեկավարի անունից և ի թիվս մի շարք կարևոր գործառույթների, ապահովում են բնակավայրի շահերի ներկայացվածությունը բազմաբնակավայր համայնքում և հանդիսանում են համայնքի ղեկավար-բնակչություն փոխհարաբերությունների միջնորդ։

Ա. Ֆրանգյանը աշխատակազմի ուշադրությունը հրավիրեց աշխատանքից բացակայությունների թույլտվությունների տրամադրման կարգին և բացակայության թերթիկների պարտադիր լրացմանը։ Քննարկվեցին նաև կարգապահական մի շարք այլ հարցեր։

Քննարկման ներկայացվեց համայնքապետարանի տեղեկատվության էլեկտրոնային հարթակներում տարվող աշխատանքների, լուսաբանվող նյութերի հանրայնացման և տարածման աշխատանքների ակտիվացման անհրաժեշտության վերաբերյալ հարցեր, ինչը պայմանավորված է համայնքապետարան-բնակչություն  կապի ամրապնդման, կատարվող աշխատանքների թափանցիկության և հանրությանը տեղեկության հասանելիության ապահովման անհրաժեշտությամբ։

Քննարկվեցին նաև օրակարգում ընդգրկված մի շարք այլ հարցեր։