Տեղեկացնում ենք, որ ՀՀ առողջապահության նախարարության պատվերով և Համաշխարհային բանկի օժանդակությամբ 2022թ. հունիսի 15-ից հանրապետությունում մեկնարկում է ՀՀ առողջապահության համակարգի գործունեության գնահատման (ԱՀԳԳ) ընտրանքային հետազոտությունը երկամսյա տևողությամբ: 
Հետազոտության նպատակն է՝ հավաքագրել տվյալներ, որոնք անհրաժեշտ են գնահատելու բնակչության առողջությունը, ոչ վարակիչ հիվանդությունների զարգացմանը նպաստող ռիսկի գործոնների տարածվածությունը, բնակչության արտահիվանդանոցային և հիվանդանոցային բժշկական օգնություն իրականացնող հաստատություններ դիմելիությունը, բուժհաստատությունների ֆինանսական և աշխարհագրական մատչելիությունը, համակարգի արձագանքումը բնակչության պահանջներին, բնակչության գոհունակությունը բժշկական ծառայություններից և այլ առանցքային հիմնախնդիրները։ 
Հետազոտությունն իրականացվում է «ԱյՍԻԷյչԴի» Մարդկային զարգացման միջազգային կենտրոն ՍՊԸ-ի կողմից՝ ՀՀ ԱՆ «Առողջապահական ծրագրերի իրականացման գրասենյակ» ՊՀ-ի և «Ակադեմիկոս Ս. Ավդալբեկյանի անվան Առողջապահության ազգային ինստիտուտ» ՓԲԸ-ի (ԱԱԻ) տեխնիկական աջակցությամբ։ 
Հետազոտությունն իրականացվելու է դեմ առ դեմ հարցումների միջոցով՝ համակարգչային սարքերի կիրառմամբ, ՀՀ բոլոր մարզերի ընտրված շուրջ 111 բնակավայրերում՝ 15 և բարձր տարիքի բնակչության շրջանում։ 
Իրականացված հետազոտությունների արդյունքները հրապարակվում են ազգային զեկույցներում և տեղադրվում ԱԱԻ պաշտոնական կայք էջում` http://nih.am/am/subdivisions/health_analytical_center?block=national_assessment_reports: 
Հետազոտության վերաբերյալ այլ մանրամասների համար կարող եք զանգահարել հետազոտության համակարգողին՝ Արմեն Գալստյան (հեռ.՝ 091-018410), և ԱԱԻ փոխտնօրենին` Դիանա Անդրեասյան (հեռ.`  091- 575152)։ 
Կից ներկայացնում ենք հետազոտության ընտրանքում ընդգրկված բնակավայրերի ցանկը՝ ըստ համայնքների և մարզերի։ 
    Մանրամասները կից փաստաթղթում: